京.花朝 (Closed)

每次係銅鑼灣行完街嘅我，一到入黑就唔知食咩好，於是上網搜尋一下附近有咩好食，咁就搵到呢間京花朝啦，係Times Square 行嚟都只係需要幾分鐘，地點非常方便。一入門口，已經被呢度嘅裝修同佈局吸引著，中式裝修而又不行古舊風，而且充滿色彩，相機都被吸引着。每一個位置都各有特色我同媽咪order左個自選晚餐，$268/位頭盤擇左醬牛筋同涼拌海蜇皮，先講醬牛筋：食落好香口但亦都好辣，如果唔食辣嘅朋友可以擇其他頭盤，選擇非常多。涼拌海蜇皮就夠曬清，健康又美味，適合一家大細。原盎燉湯料夠足，飲左成個人都舒服曬，唔會油膩，會想飲多碗。論到我最愛嘅花雕話梅醉蟹腳啦大大份，有成8兩咁多，每淡都咁充滿着花雕、話梅香味道，勁好味，肉質同味道都very good，超推薦丫，咁多大蟹腳，突然覺得個dinner set好抵食。老家回鍋肉有菜又有肉，火候恰當，醬汁甜甜地用嚟撈飯一流。媽咪就相當喜歡呢碗甜品啦，仲話下次要上嚟再食過。