Casamigos

Open Now

Now Closed

北海道帶子刺身（日式麻油柚子醋）賣相絕佳，鮮味帶子大大粒，配上橙肉、麻油柚子醋同埋黑蟹籽，清新香甜微酸，令人胃口大開！香脆甜椒煎蟹膏蟹餅（北海道黑蟹籽）皮薄香脆，饀料係滿滿嘅蟹肉，重有少少肉汁，唔會太乾身，加上蛋黃醬同黑蟹籽，令口感唔會過份單調。慢煮加利西亞式八爪魚腳慢煮八爪魚腳肉質嫩滑，吸管外皮微脆，配上紅椒醬同埋蒜蓉蛋黃醬令味道昇華不少！西班牙海鮮飯大蝦，青口，蜆鋪滿左整個飯，超級足料！大蝦彈牙甜，青口同蜆亦鮮味十足。海鮮飯粒粒分明，撈埋蛋黃醬變得更creamy濃郁惹味，加埋少少飯焦，令人回味無窮！紅絲絨西班牙油條配士多啤梨朱古力醬非常驚喜既甜品！Churos外皮香脆，香甜不膩，點埋士多啤梨朱古力醬，冇得彈。GOLDEN SEACOAST, TROPICAL WIND兩杯mocktail都係清新派系，中和味道比較強烈嘅餐點。