The Point (Closed)

經常係銅鑼灣出入，都唔會對呢間餐廳陌生，因為係正登龍街嘅路口。今次同朋友終於來到呢度晚飯，而且質素仲要唔錯。首先叫左一客香辣白酒煮大蜆，每隻大蜆都非常脹卜卜，有著彈牙嘅質感而無雜質，加上白酒嘅香味，跟大蜆非常匹配。接著兩款主菜，亦極具水準，木烤三文魚配黑松露醬汁，用木烤方式烹煮，能夠將魚皮燒得香脆，而魚肉依然保持嫩滑，加上特級秘制嘅醬汁，與三文魚好夾。而M5和牛西冷牛扒亦賣相一流，火力十足將牛扒嘅表面燒得香烤十足，味道極為吸引，而切落去亦有豐富嘅肉汁，牛扒亦嫩滑易入口，果然係M5級嘅高質素享受!