上村牧場 (Closed)

🍴上村牧場@銅鑼灣🍴約咗朋友喺時代廣場睇戲，就嚟到B2樓層試下呢間由放題變為單點嘅日式燒肉店！呢間燒肉店嘅薩摩牛係直接從日本的鹿兒島直送，經過手切之後，厚度達到7mm，提升整體厚度和質感👍🏻餐廳主打自家調製醃醬，可以自行添加新鮮的蘋果蓉、蔥花和芝麻，燒之前放牛肉落去醃一下，更加突出牛肉風味！😍今次試左佢地有個自慢燒肉套餐，包括左10種不同的薩摩牛，包括牛五花、牛里肌肉、牛腰脊芯、牛柳粒等等。薩摩牛的脂肪均勻，特別推薦腰脊芯，係薩摩牛腹部腰脊附近罕見部位，牛味更加鮮甜，油脂亦好香濃，真係好好味！😋😋餐廳仲有飲品放喺自助區，除左咖啡、奶茶、汽水外，還有幾款超好飲果汁，包括巨峰提子、雪梨、柚子，味道超濃又好飲🫶🏻值得一提，餐廳用左輸送帶將所有食物直送到座位，夠晒方便同衛生。員工服務態度亦都好好，勁耐心詳細咁解釋每道同嘅特色服食用方法，令整個用餐體驗都好窩心😍😍