麵尊

Open Now

Now Closed

每次食麵尊都有種回味無窮嘅感覺，仲每次好味到愈嗌愈多。先講炸魚皮，黃金色嘅脆口魚皮，就算唔放湯，一樣感受到鑊氣! 放湯後發出熱湯同油份嘅滋滋聲，非常吸引。再嚟一份豬頸肉，性價比好高，脂肪同肉量分佈都啱啱好，食法上亦可以放湯，吸收腩汁嘅精華，滿足口感同味蕾。魚皮餃食落好有咬口，軟硬適中，而且外皮比較薄，大廚係烹調嘅過程無令食物過熟，係細心嘅表現。牛腩真正做到入口即溶，配上濃濃腩汁嘅精華，從舌尖流入喉嚨，呢個就係地道港式車仔麵嘅尊者—麵尊。