Barg (Closed)

平日去銅鑼灣食飯，通常去連鎖經營的餐廳。估唔到時代廣場後面有唔少大廈，入面有好多特色餐廳可供選擇。呢間餐廳環境昏暗，好有情調。無論情侶拍拖或者同朋友傾計都適合。而且臨近聖誕已經換了聖誕節的裝飾，充滿節日的氣氛。我和朋友都係大食之人，所以點了五款食物，試吓不同的菜式。羽衣甘藍牛油果沙律羽衣甘藍和牛油果係Superfood, 兩樣加埋做沙律又幾夾。沙律裡還有些水果粒和果仁，加上酸酸甜甜的醬汁，同平時食開既芝麻醬汁和醋唔同，口味新鮮。蟹肉黑松露墨西哥片本身唔鍾意食墨西哥片，因為太淡，無薯片咁惹味，不過加埋蟹肉黑松露醬就剛剛好。黑松露醬汁香濃，為平凡的墨西哥片加添味道。肉醬千層麵一般餐廳的肉醬千層麵都好飽滯和油膩，但呢個芝士唔算多，茄汁味較重，唔會太油膩，我和朋友反而食哂全碟👍🏻羊仔柳成份羊仔柳的亮點在醬汁上。因為薄荷酸忌廉汁完全中和了羊的羶味，還把羊肉的味道提升了。烤春雞平時自己焗春雞好易過熟，但呢隻唔會過熟，肉質鮮嫩唔乾，而且拆哂肉，食的時後啖啖肉，超方便。