新麻蒲 BBQ (波斯富街) (Closed)

而家韓流迫近梗係要影下潮流去試吓食韓燒啦。而依間係 cwb 位置好好！估唔到原來都有好多菜式，一入店舖服務員態度好好，見到唔同枱啲食客台面上都擺滿曬林林總總嘅美食。而我就迫不及待睇吓個餐牌，首先服務員為我地帶來啲韓國傳統嘅小食，包括左泡菜韓式沙律同埋一啲豆苗以及開胃嘅蘿蔔。咁我哋就叫咗個豬肉套餐，當中最為令人流口水嘅就係招牌嘅五花腩肉，服務員好耐心咁同我地講解五花腩肉要係第二款嘅燒板上燒先至冇咁油膩。喺嘆美食嘅同時亦都可以獲取燒烤嘅知識。我哋仲品嚐左除套餐附送嘅灼燒牛肉壽司，入口即溶。而五花腩肉燒得火候合時食落口感更加不俗。我哋仲叫咗個青提梳打汽水添！仲有另一個鍋係用作打邊爐係燒肉嘅同時可以喺另一個爐烚吓烚吓，個感覺真係非同凡響。傳統嘅芝士年糕彈牙嘢味，煙銀嘅口感令我好想不斷嘗試！最後套餐附送左個藍莓芝士雪花冰，適合芝士愛好者。因為用料十足，鋪滿左芝士同埋藍莓醬。整體來講呢餐令我感受到美食嘅享受。有唔同嘅烹調方式帶出嘅唔同食物都有唔同嘅口感！