麒藝館 (Closed)

友人鍾意Grand的地方又想食中菜, 她帶我來到麒藝館食lunch。一入到去麒藝館, 感到好grand。裝潢舒適。見menu有滋補佛跳牆套餐好吸引, 但要會員才可以以優惠價點這個餐, 當然我們馬上登記做會員享有此優惠。晶瑩筍尖蝦餃皇蝦餃真是如名晶瑩通透, 包著的蝦餃肉新鮮有咬口。大地魚末燒賣燒賣大粒扎實, 啖啖肉。無花菓極品叉燒叉燒切成小小地一粒粒, 望落去是黑色的。但食時, 燒得脆脆地，好美味。濃湯花膠佛跳牆這個湯好足料，有花膠，鮑魚。花膠都有幾塊,好滑, 食得出是上價的花膠。湯的味道適中,好滋補。清脆玲瓏清脆玲瓏其實是炒荷蘭豆,雲耳,腰果,洋蔥。荷蘭豆出奇地清綠和爽脆。最後點上薑茶湯圓蓮子燉糖水, 好滋陰。