宮崎肉本舖 (Closed)

趁著連假去銅鑼灣食燒肉，位置係皇室堡商場附近十分方便，餐廳充滿和風特色，而且今次幸運地坐係窗口邊的小房間，私隱度甚高，可以一邊望住美景一邊燒肉。宮崎A5櫻花牛稀有部位盛合今次揀呢個A5牛稀有部位盛合，大有由來，靚牛來自宮崎縣櫻花牧場， 特別多油花，食落會好juicy。仲有細分唔同種類，例如牛角腩、牛柳等等。呢個set仲跟左豐富前菜，魚湯和茶碗蒸，茶碗蒸上面仲有三文魚籽粒粒，蛋好滑溜。壺漬A5宮崎牛肋條配雞頸肉另外呢款係醃製過的A5牛肋條搭配雞頸肉。好鍾意預先醃製過的壼漬牛肋條，特製醬汁類似燒汁，配上大量洋蔥片，味道出眾。另外雞頸肉好肉質有咬口，好爽，但係又唔會柴，我特別喜歡呢款肉搭配粉紅粗鹽。午餐可以揀飲品或者甜品。甜品係柚子雪芭，柚子味好濃，而且有細細粒柚子咬下，酸酸甜甜中和返剛剛燒肉膩的感覺，十分清新。下次有特別慶祝活動一於黎呢間餐廳一邊望住個維港景一邊燒肉啦。