Pici

Open Now

Now Closed

📍Pici呢間人氣手工意粉店大家應該唔會陌生，唔同地區都有分店，今次經過開銅鑼灣就入左去食，入到去果然座無虛席，$290/人就可以食到2份前菜+3份主食+2份甜品，性價比高！👅八爪魚沙律沙律有火箭菜、小蕃茄、芝士粒、橄欖粒，面頭再加入檸檬汁撈埋一齊食，味道酸酸甜甜幾開胃，而八爪魚片厚薄適中，口感幾爽口。👅地中海沙律沙律有合桃粒、芝士粒、生菜、蘋果片，食落好清新，蘋果片食落口好爽口好清甜，唔錯既開胃菜。👅 南瓜芝士雙重意式雲吞配辣肉腸牛油汁鍾意食芝士嘅朋友絕對唔可以錯過，入口嘅芝士味非常濃郁，而芝士味嗯嗯會蓋過南瓜幾香甜，意外地幾夾，面頭攞咗香脆嘅辣肉腸，令口感好有層次。👅鮮刨黑松露細扁麵黑松露係新鮮即刨，未食已經聞到好濃烈既黑松露香味，意粉亦都掛曬忌廉汁，質地亦都好彈牙，食完已經好滿足！👅大蝦香草醬煲呔麵煲呔麵我都係第一次食，咬落去好彈牙，而煲呔麵掛滿左自家製既香草醬，配合少少蒜片同果仁調味，感覺好新鮮，而蝦肉亦都好彈牙，值得推介。👅提拉米蘇Tiramisu都好出色，蛋味同咖啡味都岩岩好。👅 意式奶凍奶凍面配上紅莓醬，味道酸酸甜甜，奶凍質地好軟滑，正常發揮。