岩鹽日本料理 (利舞臺廣場) (Closed)

今日同老公睇完套GT跑車浪漫旅，就係銅鑼灣附近搵咗間日本餐廳食😋，入到餐廳環境好大座位好闊落，今次我地叫咗個二人餐嚟食。蒲燒鰻魚釜飯🐟鰻魚嚟到職員叫我地用個漏斗倒數1️⃣分鐘先打個鰻魚飯，個飯好豐富除咗鰻魚之外，仲有枝豆、冬菇、菠菜同栗子等等，另外旁邊有個鰻魚汁，怕個飯唔夠味可以撈落去等佢入味啲，個飯食到最後可以加壺茶整個茶泡飯嚟食，有幾個唔同食法幾吸引👍🏻。刺身三品及磯煮鮑魚刺身好新鮮而且師傅切得好厚身，食落好肥美，刺身有呢幾款包括，三文魚、劍魚腩、甜蝦及磯煮鮑魚，個鮑魚好彈牙咬落一啲都唔硬，另外用咗醬汁醃製過食落好入味同好鮮嘅鮑魚味👍🏻。味噌三文魚鮫鍋呢個湯材料好豐富，有好多舊三文魚鮫，另外仲有京蔥、豆腐、冬菇、金菇、紅蘿蔔、娃娃菜、菠菜，令到個湯好鮮甜好入味，三文魚鮫食落一啲都唔腥。燒安格斯牛扒🥩個安斯牛扒自己可以係爐到燒，可以控制到個生熟程度，而我鍾意食比較生，牛扒每一面輕輕烤一下就得，再配埋旁邊嘅醬汁，食落酸酸甜甜帶出牛扒嘅鮮味，而且仲有少少入口即融嘅感覺🤤。日本蕃茄沙律🥗沙律分量都好多，上面仲有大大嘅原仔蕃茄切咗片，配埋個醬汁食落酸酸甜甜好開胃，好清新嘅感覺。