熊本燒肉

Open Now

Now Closed

同好朋友慶祝生日揀咗去呢度，因為可以一次過滿足晒壽星女燒肉+火鍋的願望。店內環境充滿日式佈置，座位亦寬躺舒適，店員服務亦非常友善親切。呢度主打日本/澳洲和牛放題，牛肉質素高，油脂分布平均，無論燒肉/火鍋配料都有好多選擇，仲有「極尚JUMBO海鮮燒系列」可以任食多款海鮮e.g.蟶子、鮑魚、扇貝、手臂虎蝦，。海鮮size 好大又新鮮。仲可以加錢食埋「令和之怪物」生蠔🦪、皇帝蟹腳🤩，咁豐富真係食到好爽好開心。我地鍾意呢度可以一邊燒肉一邊火鍋，火鍋湯底可以六選二，我哋揀咗好特別嘅「博多牛腸鍋」同埋「日式柚子雞湯」，牛腸鍋超足料，食落油脂甘香，連配菜都好入味，而柚子雞湯無論淥海鮮或者肉類等都好適合。除咗燒肉/火鍋，Menu仲有好多食物選擇，有多款小食、熟食、炸物等，推介「清酒煮蜆」好鮮甜。自助飲品櫃有各式包裝飲品仲有佢哋自家製飲品，最後記得要食埋甜品，有童年經典雪條🥰