曜 (Closed)

呢日嚟咗朋友推介嘅銅鑼灣食一間日本私房菜☺️ 環境令人覺得好舒適 由於我唔係食omakase 所以我揀咗坐卡位位置😝 店員嘅服務好好 每樣食物都同我哋仔細介紹 等我哋可以喺享受食物之餘 亦都欣賞師傅嘅心思花膠雞湯果凍 配柚子酸汁係一個好精緻嘅前菜 器皿係用上同餐廳主題 好似日本武士嘅裝飾品咁😙 呢個果凍入口即溶 濃郁嘅雞湯喺嘴入面有固體變成液體 加上有啲花膠碎喺果凍入面 所以都有啲層次🥰 重點係喺果凍側邊有啲柚子酸汁 呢個酸汁更能帶出雞湯嘅香味😺壽司定食有十件高質素嘅壽司 今日嘅壽司有中拖羅 真鯛 赤身 深海池魚 赤蝦 帆立貝 炙燒鯖魚 刺身用的銀鱈魚 炙燒鰈魚🐟 每樣都各有特色 想油脂感豐富啲嘅可以食中拖羅同埋炙燒鰈魚😎 想有咬口啲嘅就可以食深海池魚 而我最鍾意嘅係刺身用嘅銀鱈魚 食落口好嫩滑😉蟹黃磯燒鮑魚伴日本花山烏冬底下啲蟹黃用咗大閘蟹嘅蟹黃 再加松葉蟹同阿拉斯加蟹嘅蟹肉😻 食落除咗有大閘蟹嘅鹹鮮味之外 仲有蟹肉嘅甜味🦀 面頭嘅磯燒鮑魚 用咗鮑魚乾醬製作 幾有咬口 花山烏冬賣相特別 掛起嘅狀態同清湯一齊上 可以簡單配清湯食 或者撈埋啲蟹黃蟹肉一齊食🥰 我就覺得配埋蟹黃一齊 更有風味