芯 (Closed)

係咁逼嘅銅鑼灣廣場入面，竟然比我咁好彩搵到一間超好食嘅日本居酒屋。經過呢間餐廳門口已經俾佢嘅裝修吸引住左，驟眼望落去係黑色背景為主，又有吧枱同普通平時嘅枱，又有得望住窗邊食飯嘅枱。咁啱餐廳Staff安排咗我哋坐喺窗口前面，我同朋友就一路等上菜，一路望住窗外既事物，一路談天說地。可能我嗰日比較肚餓，所以我先覺得Staff上菜嘅速度有啲慢，但係間唔中可以感受下節奏慢嘅生活都係一個唔錯嘅選擇！友人覺得最初既麵豉湯同埋中華沙律都surprise到佢，因為中華沙律唔係淨係得平時喺其他日本餐廳食到既爽口，仲有少少酸，令到我哋更加開胃！而麵豉湯唔會話特別好鹹或者好重味精湯既感覺，大家都可以試吓！我今次叫咗鰻魚蛋包飯，我覺得真係幾好味，燒汁鰻魚同滑蛋嘅配搭真係令我覺得好出色！鰻魚好似成隻碟咁大條，而啲飯其實唔係俾蛋包住，隻碟其實中間凹咗落去，就係放啲飯入去，滑蛋就係舖係上面！性價比真係好高，極度推薦呢款午市套餐！薄荷青檸梳打，朋友覺得呢杯嘢飲係最match到佢個名既野飲！因為呢杯野飲既薄荷葉唔同其他餐廳咁落一兩片做裝飾，係真係可以飲落去係有薄荷葉嘅味道喺入面！燒肉丼同埋串燒，相對來講，就冇咁出色或者特