Video
Read full review
2021-10-19
510 views
-寿司桜🌸 自從上年12月帶屋企人初次係寿司桜食omakase後 一直都念念不忘🤤加上係紀念日又打8號風球+黑雨 啲餐廳都閂晒🥲 冇啖好食🌚今次就拉埋蘿蔔先生黎食番餐好既🤗成個Menu 有廿道菜 食完我開心左幾日✨ 今次絕對係今個年度最滿足既頭3名🥰🌸夕食 (銀）： Omakase - Gin （$1280）✨前菜 - 3道菜 🦀胡麻嫰豆腐配蟹膏蟹肉豆腐好嫰滑 蟹膏勁香 好味🤤🦪汁煮鮑魚伴三文魚籽鮑魚非常入味 有金箔做點綴 非常奢華🦪水雲菜配北寄貝水雲菜係藻類既一種 口感柔軟黏滑混合日本醋做冷盤都幾開胃✨刺身 - 5 道菜🐟明寶石真鯛配柚子蒜汁呢個特別既係要一邊食刺身 一邊食紫蘇葉花冧 💐經過微酸柚子汁提鮮而紫蘇葉花冧去增加味道層次✨🐟北海道象拔蚌加有青檸汁豉油提味 口感爽口🐟深海池魚一片係包住芽蔥 配烏魚子互相調和配合得唔錯 味道較為清爽一片係配黑魚子 味道較鹹鹹鮮鮮 更有魚鮮味🐟獅魚 配柚子胡椒 / 紫菜醬呢款魚油較多 剛好柚子胡椒可以解膩 同時增加味道層次感紫菜醬就少少鹹香 可以令魚味更突出🐟乾池魚粒配洋蔥呢個真係好好味！ ❤️❤️❤️師傅特調左個醬汁 同配料撈埋一齊加有芝麻 乾蔥香蔥
寿司桜🌸
自從上年12月帶屋企人初次係寿司桜食omakase後 一直都念念不忘🤤
加上係紀念日又打8號風球+黑雨
啲餐廳都閂晒🥲 冇啖好食🌚
今次就拉埋蘿蔔先生黎食番餐好既🤗
成個Menu 有廿道菜 食完我開心左幾日✨
今次絕對係今個年度最滿足既頭3名🥰
🌸夕食 (銀）： Omakase - Gin （$1280）
✨前菜 - 3道菜
🦀胡麻嫰豆腐配蟹膏蟹肉
豆腐好嫰滑 蟹膏勁香 好味🤤
🦪汁煮鮑魚伴三文魚籽
鮑魚非常入味 有金箔做點綴 非常奢華
🦪水雲菜配北寄貝
水雲菜係藻類既一種 口感柔軟黏滑
混合日本醋做冷盤都幾開胃
✨刺身 - 5 道菜
🐟明寶石真鯛配柚子蒜汁
呢個特別既係要一邊食刺身 一邊食紫蘇葉花冧 💐
經過微酸柚子汁提鮮而紫蘇葉花冧去增加味道層次✨
🐟北海道象拔蚌
加有青檸汁豉油提味 口感爽口
🐟深海池魚
一片係包住芽蔥 配烏魚子
互相調和配合得唔錯 味道較為清爽
一片係配黑魚子 味道較鹹鹹鮮鮮 更有魚鮮味
🐟獅魚 配柚子胡椒 / 紫菜醬
呢款魚油較多 剛好柚子胡椒可以解膩
同時增加味道層次感
紫菜醬就少少鹹香 可以令魚味更突出
🐟乾池魚粒配洋蔥
呢個真係好好味！ ❤️❤️❤️
師傅特調左個醬汁 同配料撈埋一齊
加有芝麻 乾蔥香蔥 非常香口 大愛☺️☺️
🧄鹹漬物
係食刺身中途時 師傅仲畀左自家制既鹹漬物
有蒜頭 蘿蔔 牛蒡等等 解解膩✨
✨汁物：舞茸菇清湯
係食晒啲刺身後 就飲碗清湯
清清口腔既魚油 好中意中間果塊葉
味道有少少似紫蘇葉 較為香濃 ~
✨和食料理 - 2道
🐷沖繩豬手
滿滿既骨膠原 大大舊又黏黏的
肉質非常軟冧 唔洗點咬已經可以食到
🥩牛小排
成熟度非常岩岩好 仲係粉嫰粉嫰
牛香味都幾重 加埋新鮮芥茉 好辣 好正！
✨壽司 - 5道
🦐北海道牡丹蝦
牡丹蝦壽司上面加咗粒粒蝦子
只有北海道嘅牡丹蝦先會呈現淺藍綠色
輕輕灸燒過嘅牡丹蝦 加埋粒粒蝦子食
完全Mind Blow🤩 勁香 鮮味係湧出黎
再會慢慢回甘 好正！！✨✨
🐟小磯魚
連骨醃製過 畀成網紋既小磯魚
會畀啲醋會溶咗啲骨 食落都有可能有少少骨
所以味道會有少少鹹 但因為用柚子調味
就中和番 平衡番成個味道 又清新啲✨
🐟關鯖魚
有3片刺身 魚鮮味較重 配有芝麻好香
🦪平川水產 北角道馬糞海膽
✨✨✨成晚既 Highlight✨✨✨
師傅話海膽壽司就見得多
係自己手度食係咪就冇試過呢~
一堆平川海膽係我手上 再搽上少少醬汁✨
師傅話咁先可以食到最真 最鮮既味道
睇見都既緊張又興奮🤣
食完得5個字可以形容： 真係好鮮甜！
呢一個真係完全值回票價🤩🤩🤩❤️
🐟中拖羅
魚肉 脂肪完美平均分佈 入口即溶 唔洗講✨✨
✨汁物：招牌魚奶湯🧉
魚味濃郁 飲完成晚都唔會覺得口渴👍
師傅表示係用魚骨魚腩炒湯加木魚水
咁先飲得最鮮最真既魚鮮味 冇鹽都得
✨果物： 靜岡密瓜🍈
甜到入心 完美作結✨✨
整體黎講 今次終於坐到Counter 成個體驗更加正！
可以一邊食用心準備既料理
一邊聽師傅既講解 真係獲益良多~
佢地每個餐點既製作過程都考慮到
點樣帶畀客人味蕾上不一樣既層次感 真係好正✨
Post
