Rooftop Café by Momentum Coffee (Closed)

估唔到鬧市中的銅鑼灣都有環境清靜的樓上Café【Rooftop Café by Momentum Coffee】，景觀開揚，光線充足，是日一個人食Lunch來得好舒服、好寫意。《酸種包配牛油果滑蛋 $92》賣相不錯，有牛油果、炒蛋、沙律菜、車厘茄、酸種包。炒蛋超香滑無得輸，蛋味濃郁，份量亦好多，配搭同樣幼滑的牛油果，組成一個豐富的Brunch之選。建議酸種包可以放旁邊，避免滑蛋的濕氣整淋左塊麵包。午市有combo set 包$38飲品，所以揀左一杯Latte，又係好大杯，拉花好靚，咖啡香濃幼滑，整體不錯。