麵館皇 (Closed)

今日同朋友喺銅鑼灣shopping，大戰完一輪早已飢腸轆轆，見到麵館皇好似唔錯，就決定係度晚餐。最吸引嘅莫過於店內主打的刀削麵同手擀麵，有「十大名麵」之稱，好快就決定到食乜！晚市套餐（$62）包一鍋麵配一款小食，而刀削麵、手擀麵均要另加$3。手擀麵麵的真身太讓人喜出望外了，大大鍋，熱辣辣，不斷冒緊煙。湯底有濃濃的藥膳味，不會苦，我很喜歡！至於麵質，手擀麵較薄身，口感煙煙韌韌，挺不錯。刀削麵刀削麵同手擀麵大同小異，分別在於比較厚身，適合喜歡有嚼勁的朋友。小食：口水雞肉質嫩滑，調味夠辣，連雞皮都食埋。麻辣牛展醬汁都在底下，撈一撈就超入味了！以呢個價錢食到咁嘅質素，麵館皇算是相當抵食，有潛質成為我在銅鑼灣的飯堂啊！