小甜谷 Dessert Kaffee (Closed)

食得中式糖水多，悶悶地。今次食飽飯就試下西式甜品先。講起小甜谷，大部份人都知道係谷祖琳開既甜品店。聽到"小甜谷"呢個名我已經覺得好有創意好吸引。店鋪位置好易搵，係銅鑼灣地鐵站C出口。1打開menu，好多靚靚既甜品吸引住我，真係花多眼亂心思思唔知揀咩好呀，最後揀左兩樣：1) 法式梳乎蛋多士配雪糕2) 朱古力心太軟法式梳乎蛋多士，一碟有三大件，夠晒份量。隔離仲有一球雲呢拿雪糕和糖醬。帶1舊試下原味唔點醬先！多士咬落外脆內軟，濃郁蛋香，既似布甸咁香滑又似燉蛋咁嫩滑，好味到有驚喜又幸福既感覺。跟住試試點埋糖醬，係有d似鳥結糖既味道，好甜好特別，我就中意點左糖醬後既味道。而雲呢拿雪糕就冇咩特別，都係普通雪糕咁，不過夾埋多士1齊放落口都幾得意架！朱古力心太軟，由於本人極喜歡朱古力，所以有朱古力心太軟就緊係唔會放過啦。可能有上面講既法式梳乎蛋多士做對比，呢道甜品就比下去了。雖然都幾靚，但食落唔夠香唔夠甜。軟心效果做得唔錯，真係有野流出黎，不過就係淡淡既牛奶朱古力色，而唔係平時食開既dark chocolate色，唔夠濃郁。