Video
Read full review
2023-01-20
227 views
餐廳有兩張壽司枱，每張都主要由一位師傅負責。我見lunch有提供set lunch menu，不過晚上就只提供 Omakase，收費係 $2500/人。以 Omakase 來說收費都係稍微進取，接下來就睇下有咩食啦！（不過叫得 Omakase 當然次次未必一樣，大家可以參考下我地當日既食材😹）-🎈前菜一碟上放上4款小前菜，跟住店員既建議順序去食。👉 鮟鱇魚肝 （因為我唔食鮟鱇魚肝，所以店員幫手轉左泡菜豚肉卷。）👉 日本蕃茄👉 松葉蟹肉+蟹膏豆腐👉 和牛 加左少少蒜-🎈刺身👉 毛蟹 師傅拆肉後配上蟹醋啫喱👉 厚岸生蠔 口感比較爽口，配橘子啫喱同辣椒蘿蔔蓉 （朋友唔食生蠔就上帆立貝配竹炭鹽）👉 赤鯥 微微燒香，配紅梅醬👉 銀鱈魚 一樣微微燒香，配海苔漬。口感會比赤鯥再油同嫩滑少少。👉 藍鰭吞拿魚 一口爆油既口感-🎈和食👉 甘鯛立鱗燒魚肉表皮保留魚鱗，煎香後將熱油淋係魚鱗上，做成香脆既口感。伴碟既係紫蘇葉花同青椒，幫助去除油膩感。-🎈壽司因為上菜係慢慢一道一道上，所以細食既我去到呢到其實已經飽左7成😹 同我一樣細食既不妨考慮叫師傅少飯。👉 活北寄貝 配柚子胡椒👉 鮫鰈 微微燒過，配辣椒蘿蔔👉
餐廳有兩張壽司枱，每張都主要由一位師傅負責。我見lunch有提供set lunch menu，不過晚上就只提供 Omakase，收費係 $2500/人。以 Omakase 來說收費都係稍微進取，接下來就睇下有咩食啦！（不過叫得 Omakase 當然次次未必一樣，大家可以參考下我地當日既食材😹）
-
🎈前菜
一碟上放上4款小前菜，跟住店員既建議順序去食。
👉 鮟鱇魚肝 （因為我唔食鮟鱇魚肝，所以店員幫手轉左泡菜豚肉卷。）
👉 日本蕃茄
👉 松葉蟹肉+蟹膏豆腐
👉 和牛 加左少少蒜
-
🎈刺身
👉 毛蟹 師傅拆肉後配上蟹醋啫喱
👉 厚岸生蠔 口感比較爽口，配橘子啫喱同辣椒蘿蔔蓉 （朋友唔食生蠔就上帆立貝配竹炭鹽）
👉 赤鯥 微微燒香，配紅梅醬👉 銀鱈魚 一樣微微燒香，配海苔漬。口感會比赤鯥再油同嫩滑少少。
👉 藍鰭吞拿魚 一口爆油既口感
-
🎈和食
👉 甘鯛立鱗燒
魚肉表皮保留魚鱗，煎香後將熱油淋係魚鱗上，做成香脆既口感。伴碟既係紫蘇葉花同青椒，幫助去除油膩感。
-
🎈壽司
因為上菜係慢慢一道一道上，所以細食既我去到呢到其實已經飽左7成😹 同我一樣細食既不妨考慮叫師傅少飯。
👉 活北寄貝 配柚子胡椒
👉 鮫鰈 微微燒過，配辣椒蘿蔔
👉 牡丹蝦 用齊蝦頭蝦膏，再微微燒香
👉 海膽 全晚重頭戯✨
師傅提供左兩款海膽同紫菜。圓形碗内既係赤海膽，比較creamy少少。而皇冠碗内既係馬糞海膽，相對上就會清甜少少。擺得係皇冠碗到當然有來頭，師傅介紹呢款馬糞海膽係第一拍賣社既第13位，成$5000一板！而另一款赤海膽都要價$4000 一板。😹
-
最後師傅係席前灑上淡雪鹽，呢個完全係打卡環節，影相超靚！配埋紫菜一齊食超滿足😻
-
🎈湯
用魚湯滋潤返，好有魚油香。擺係到一陣影相表面已經有一層”衣“，可以想像到味道有幾濃😹
-
🎈甜品
甜品簡單上返個靜岡蜜瓜
-
🎀總括而言🎀
👉食物：種類好多，有前菜、刺身、和食同壽司。當中用左唔少炙燒手法，中意食魚油香既人會啱食。
👉服務：師傅係打卡friendly🤣，見到我地影相會停低比我地影，每一道壽司都解釋得好詳細。辛苦師傅成晚一打六😹！
👉環境：除左兩張壽司枱仲有幾張table，位同位之間有唔少空間，坐得好鬆動。
-
🎀其他小資訊🎀
👉訂位：phone booking
👉信用卡優惠：中銀/匯豐/恒生信用卡會有 9折優惠️
Post
