Video
Read full review
2022-01-22
4128 views
銅鑼灣💜Zeng位於V Point 30樓高層有海景的西餐廳，期待值很高。環境：高層有海景，每桌都有一支消毒液，聞落有香水味，洗手間有漱口水，牙線，棉花棒。 店員態度有禮貌，會肯幫手拍照，上菜收碟都好快手，吾會令人覺得太急或太慢。座椅分梳化同單人座椅，高度不一。 梳化矮過單人座椅，坐得耐好攰。午餐，一入座店員即時話沒有生蠔供應，超失望，本身小編就係為左生蠔優惠吸引。 竟然甘岩無得食。算，餐牌上有是日供應及每樣再加價，加加埋埋埋單都幾食水深。 午餐有海鮮拼盤，賣相還可以，食完發現只有鮑魚整得最好食，夠彈牙。 其他都無咩鮮味。另有是日蟹肉沙律，蟹肉味道好淡，沙律真係得菜同蟹籽。是日餐湯係蕃茄湯，望落以為同我係其他西餐廳飲既差唔多好飲，點知好酸。 反而加錢的廣島蠔湯比較好飲順口。是日意粉出奇地上面鋪上黑松露片，但味道一般。 加錢的和牛他他面頰意大利飯，和牛勁細粒，口感牛舌，細到食吾出好吾好味。是日鱸魚，旁邊菜有一半煮到變黃，無咩味。 鱸魚皮無煎到脆口，軟到好似軟蛇皮，魚肉易咬但不夠滑溜，醬汁食落好heavy。加配布朗尼，依款厚度偏薄，沒有軟心，不太合小編口味。 加配雪糕，屋企人覺得一般。加配
位於V Point 30樓高層有海景的西餐廳，期待值很高。
環境：高層有海景，每桌都有一支消毒液，聞落有香水味，洗手間有漱口水，牙線，棉花棒。
店員態度有禮貌，會肯幫手拍照，上菜收碟都好快手，吾會令人覺得太急或太慢。
座椅分梳化同單人座椅，高度不一。 梳化矮過單人座椅，坐得耐好攰。
午餐，一入座店員即時話沒有生蠔供應，超失望，本身小編就係為左生蠔優惠吸引。 竟然甘岩無得食。算，餐牌上有是日供應及每樣再加價，加加埋埋埋單都幾食水深。
午餐有海鮮拼盤，賣相還可以，食完發現只有鮑魚整得最好食，夠彈牙。 其他都無咩鮮味。另有是日蟹肉沙律，蟹肉味道好淡，沙律真係得菜同蟹籽。
是日餐湯係蕃茄湯，望落以為同我係其他西餐廳飲既差唔多好飲，點知好酸。 反而加錢的廣島蠔湯比較好飲順口。
是日意粉出奇地上面鋪上黑松露片，但味道一般。 加錢的和牛他他面頰意大利飯，和牛勁細粒，口感牛舌，細到食吾出好吾好味。
是日鱸魚，旁邊菜有一半煮到變黃，無咩味。 鱸魚皮無煎到脆口，軟到好似軟蛇皮，魚肉易咬但不夠滑溜，醬汁食落好heavy。
加配布朗尼，依款厚度偏薄，沒有軟心，不太合小編口味。 加配雪糕，屋企人覺得一般。
加配芝士拼盤，小編極推，三款不同類型芝士配搭堅果，乾果肉，提子乾，菜，有不同口感，而且一次過試晒三款芝士，CP值高，小編最愛中間白色軟身芝士。
總之，小編欣賞環境，衛生，鮑魚，芝士。 其他，希望有改進，另外希望下次食到生蠔。
📌 Zeng
☎️ 2353 0053
📍銅鑼灣登龍街18號V Point 30樓
Post
