Video
Read full review
2017-04-03
490 views
好耐冇見嘅朋友由北京返左嚟香港！難得一聚，決定帶佢去食餐好嘅！左揀右揀，喺openrice上面揀左呢間Penthouse!見佢好多好評，地點方便（喺Time Equare對面嘅登龍街）之餘仲係米芝蓮推介，應該冇得輸！哈哈！我地準時6點去到餐廳，可能太早嘅緣故所以只有幾枱客人。我地被安排喺一張靠窗嘅二人座位，餐廳位於30樓，居高臨下景色亦不俗！我地先睇drink menu 除左有大量酒精類飲品選擇之外，仲有mocktail juice soft drinks等等！因為我地唔飲酒，左諗右諗最後都係一樣點左杯叫「Green Day」嘅mocktail! 顧名思義Green Day 當然係「綠色」嘅飲品，係奇異果、番石榴、薄荷加埋少少basil 嘅梳打飲品！入面有唔少奇異果果肉，味道清清地，唔會太甜又唔會太酸！都唔錯！未點主食前侍應已經送上自家製麵包，份量唔少而且熱辣辣，配埋青醬一齊食好好味！我地點左兩個main courses黎share! 「44 degree slow-cooked Akaroa King Salmon」三文魚用慢煮方法烹調，食落口嘅口感比中式蒸魚更滑溜，差不多有入口即溶
我地準時6點去到餐廳，可能太早嘅緣故所以只有幾枱客人。我地被安排喺一張靠窗嘅二人座位，餐廳位於30樓，居高臨下景色亦不俗！
我地先睇drink menu 除左有大量酒精類飲品選擇之外，仲有mocktail juice soft drinks等等！
因為我地唔飲酒，左諗右諗最後都係一樣點左杯叫「Green Day」嘅mocktail! 顧名思義Green Day 當然係「綠色」嘅飲品，係奇異果、番石榴、薄荷加埋少少basil 嘅梳打飲品！入面有唔少奇異果果肉，味道清清地，唔會太甜又唔會太酸！都唔錯！
未點主食前侍應已經送上自家製麵包，份量唔少而且熱辣辣，配埋青醬一齊食好好味！
我地點左兩個main courses黎share! 「44 degree slow-cooked Akaroa King Salmon」三文魚用慢煮方法烹調，食落口嘅口感比中式蒸魚更滑溜，差不多有入口即溶嘅感覺，三文魚嘅油脂分佈平均，每一啖都有魚嘅鮮味！配料fregola pasta口感煙韌，加埋新鮮蟹肉同帶子，再配上香濃番茄醬，味道豐富，顏色鮮豔，令人食慾大增！番茄醬用黎點麵包，好好味！
另一個main course我地點左「Spanish baby pig 22oz for 2 persons」西班牙乳豬皮脆兼且肉質嫩滑。咬落去美味的乳豬時，皮脆得「卜卜」聲響，肉滑得溜口，也充滿膠質。配菜嘅薯粒香脆、蒜頭香濃唔辣喉，加上一個自製嘅蘋果沾醬點乳豬，整道菜都表現出色！
最後order左一客甜品！有分子雪糕（coffee favor)、焦糖脆片、朱古力雪糕、朱古力mousse配芒果醬，賣相精緻，味道不俗，唔會太甜，特別推介分子雪糕，咖啡味濃，口感特別，咬落去脆卜卜但入口即溶，好味道！
成餐飯我地食左3個鐘，享受左一個有「口福」有「眼福」嘅愉快一夜！
Post
