Video
Read full review
2016-10-07
637 views
前排小弟係臉書見到朋友係銅鑼灣食咗個用花膠做湯底嘅烏冬，心郁郁就上網search下，原來呢間餐廳叫螢壽司，係銅鑼灣港鐵站C出口對面嘅京都廣場，於是我就搵咗個大學同學同我一齊試下新野。是日係星期二，我地約咗食七點，上到去見到餐廳都唔算好爆，侍應比咗個近開放廚房嘅位我地，侍應姐姐就話今日推介係串燒同手打烏冬。我地研究咗餐牌一陣之後，決定叫個冷盤、刺身同熟食。冷盤我地想試下日本豆腐沙律，刺身我地叫咗三文魚、八爪魚、鯛魚、油甘魚；熟食就有鹽燒厚切牛舌、什錦天婦羅、鹽燒手羽，當然唔少得個花膠雞絲濃湯手打烏冬啦！飲品方面，我地就飲得健康d，飲鮮榨果汁。夏日熱辣辣，梗係要食番d冷盤啦，個豆腐沙律好開胃，胡麻醬配豆腐好夾，一個人食哂成碟都唔怕肥呀！食日本菜，刺身一定唔少得，三文魚係必食嘅，呢度標榜用挪威三文魚，所以極鮮甜；八爪魚唔算好韌，可以接受；綢魚同油甘魚唔腥，都幾爽口，整體都算高質素。到熟食啦，燒牛舌切得厚薄岩岩好，所以一食落去唔會覺得好韌，仲有好香燒烤同黑椒味；什錦天婦羅個炸蝦好新鮮，蝦肉爽口，一d都唔霉；炸冬菇同炸茄子都唔會好乾好硬，推介！仲有個燒雞翼，燒到個雞皮脆卜卜，又夠鹹，入面d肉都算
是日係星期二，我地約咗食七點，上到去見到餐廳都唔算好爆，侍應比咗個近開放廚房嘅位我地，侍應姐姐就話今日推介係串燒同手打烏冬。我地研究咗餐牌一陣之後，決定叫個冷盤、刺身同熟食。冷盤我地想試下日本豆腐沙律，刺身我地叫咗三文魚、八爪魚、鯛魚、油甘魚；熟食就有鹽燒厚切牛舌、什錦天婦羅、鹽燒手羽，當然唔少得個花膠雞絲濃湯手打烏冬啦！飲品方面，我地就飲得健康d，飲鮮榨果汁。
夏日熱辣辣，梗係要食番d冷盤啦，個豆腐沙律好開胃，胡麻醬配豆腐好夾，一個人食哂成碟都唔怕肥呀！
食日本菜，刺身一定唔少得，三文魚係必食嘅，呢度標榜用挪威三文魚，所以極鮮甜；八爪魚唔算好韌，可以接受；綢魚同油甘魚唔腥，都幾爽口，整體都算高質素。
到熟食啦，燒牛舌切得厚薄岩岩好，所以一食落去唔會覺得好韌，仲有好香燒烤同黑椒味；什錦天婦羅個炸蝦好新鮮，蝦肉爽口，一d都唔霉；炸冬菇同炸茄子都唔會好乾好硬，推介！仲有個燒雞翼，燒到個雞皮脆卜卜，又夠鹹，入面d肉都算嫩，大家不妨試試。
今次個主角出場啦，就係花膠雞絲濃湯手打烏冬啦，當我第一眼見到個烏冬果陣，個湯底咁稠，就已經知道係好野，因為媽咪話煲到d花膠熔哂，個湯底先會咁稠架，仲有個烏冬好足料，有幾多雞絲，仲有隻溏心蛋，我仲食到有d魚唇係入面，大家宜加唔好再食魚翅啦，又貴又唔環保，食魚唇都得架，唔講以為食緊魚翅添呀，再加埋烏冬，濃濃嘅湯汁掛哂上烏冬，其他粉麵係做唔到架！
今次黎呢間螢壽司真係令我好難忘，尤其係個花膠烏冬，大家一定要試下呢個招牌菜呀！
Post
