Video
Read full review
2020-07-26
1122 views
之前喺度食過午餐好高質，呢日帶埋朋友嚟試晚市廚師發板👨🏼🍳。餐廳位於佐敦同尖東交界，舖面帶有份神秘感，大大隻字寫住「豐」。一入到餐廳店員先替我哋量體溫同消毒，非常衞生😊。料理店應該全部都係吧枱位，即係可以邊食邊望住師傅表演。Omakase分三個級別，分別係$738嘅盛、$1,088嘅錦．上同$1,288嘅豐．特上。就算最貴嗰款都比起某啲同行店最便宜嗰款平👍，我哋今日就試咗錦．上餐。現時做緊85折優惠，折完$1,000到。豉油碟好可愛🐱🐶。前菜係核桃小女子，即係將🐟小魚乾炸酥之後，用甜醬油醃，再加埋脆脆嘅核桃同芝麻食。鰈魚薄切有三片，上面沾咗海膽粉，師傅建議我哋點柚子酸汁🍊，真係幾開胃啵！之後就到刺身系列，同時師傅為我哋送上新鮮海草，索酸汁食一流🤤。北海道帆立貝，刺身好肥美鮮甜，齋點岩鹽已經好好食。時令𩶘魚，師傅話魚身透明即係代表新鮮，並建議點豉油同芥末食。魚皮炙燒過特別香口。慢煮鮑魚，師傅話慢煮足六個鐘，鮑魚好入味又夠彈牙，下低就墊住啲海草。醬油漬赤身，由於本身有味，所以只點芥末就OK，上面加咗啲菊花同蔥作點綴。赤身夠厚切，食落有嚼口。拖羅二重奏，左邊嘅中拖羅同右邊嘅大拖羅都超肥美，
一入到餐廳店員先替我哋量體溫同消毒，非常衞生😊。料理店應該全部都係吧枱位，即係可以邊食邊望住師傅表演。
Omakase分三個級別，分別係$738嘅盛、$1,088嘅錦．上同$1,288嘅豐．特上。就算最貴嗰款都比起某啲同行店最便宜嗰款平👍，我哋今日就試咗錦．上餐。現時做緊85折優惠，折完$1,000到。
豉油碟好可愛🐱🐶。
前菜係核桃小女子，即係將🐟小魚乾炸酥之後，用甜醬油醃，再加埋脆脆嘅核桃同芝麻食。
鰈魚薄切有三片，上面沾咗海膽粉，師傅建議我哋點柚子酸汁🍊，真係幾開胃啵！
之後就到刺身系列，同時師傅為我哋送上新鮮海草，索酸汁食一流🤤。
北海道帆立貝，刺身好肥美鮮甜，齋點岩鹽已經好好食。
時令𩶘魚，師傅話魚身透明即係代表新鮮，並建議點豉油同芥末食。魚皮炙燒過特別香口。
慢煮鮑魚，師傅話慢煮足六個鐘，鮑魚好入味又夠彈牙，下低就墊住啲海草。
醬油漬赤身，由於本身有味，所以只點芥末就OK，上面加咗啲菊花同蔥作點綴。赤身夠厚切，食落有嚼口。
大拖羅
10 views
0 likes
0 comments
岩手縣岩蠔($150)，生蠔超大隻呢，不過就唔係我食，係我個無蠔不歡嘅朋友額外點。
接住就嚟一道熟食作間場，蒲燒活鰻魚喺廚房整完熱辣辣送上，外皮燒到超脆的，魚身就好滑，都幾惹味。
終於來到壽司部份🍣，牡丹蝦壽司上面嘅蝦膏好香，一啲都唔腥，而牡丹蝦本身口感非常Creamy，幾正🦐。
赤貝壽司，我留意到師傅會特別拍一下赤貝，彈性滿滿，証明佢超新鮮，個樣好似開花咁，食落超爽口！
深海池魚壽司，魚肉用上腩位，調味帶點柚香，幾新鮮。
醋鯖魚棒壽司
8 views
0 likes
0 comments
中拖羅壽司，粉紅色嘅拖羅肉脂肪比例高，魚香持久。拖羅幾時都咁好食～。
北海道根室海膽
8 views
0 likes
0 comments
吸物即係湯，𩶘魚清湯幾特別，唔係平日普通嘅麵豉湯。湯品味道恰到好處，唔會過鹹，餡料有豆腐、椰菜同𩶘魚片。
甜品係赤蜜瓜，為美滿嘅一餐劃上完美句號😊。
總括嚟講，餐廳無令我失望，貫徹提供高水準嘅日式料理🇯🇵。同時，環境同服務都幾好，師傅同店員有禮貌。尖沙咀比較少呢類Omakase店，所以有興趣嘅不妨一試啊～！
Post
