旦王花 - 泰越鍾情

Open Now

Now Closed

阿媽話有種去左清邁嘅感覺😂廚師班底全部黎自泰國，中間個噴水池啲大象石雕同都係購自泰國🐘🇹🇭🥓炭燒豬頸肉必叫！即叫即燒，上到枱襯熱食，啲肉汁油份由肉入面浸出黎，邊邊帶好少好少嘅脂肪，厚薄切得岩岩好，完美～重點係好抵食，份量多，佢排得密之餘，下面都仲有幾塊！用佢黎夾烤餅都好好食，佢個汁都好好味，雖然帶啲荽茜味，但接受倒之餘會密密點。🍳清邁鐵板蠔仔蛋又係好大份～下面鋪左層芽菜墊底，上面有好蠔，但又唔會話唔夠蛋，但都係要點附上嘅醬唔係冇咩調味🫓洋蔥烤餅好憎荽茜嘅人士，但我阿媽唔講我都唔知上面鋪滿荽茜同紫洋蔥粒，但完全唔會話荽茜味滿滿食唔落，反而幾夾，薄餅煙煙韌韌🥬馬拉盞四季豆炒鮮蝦四季豆好粗咬落去有汁bi出黎，啲蝦都好多、大隻同彈牙，個汁唔會太辣太鹹，用黎點烤餅都仲得🥭芒果沙冰啲味有啲假～但都係好大杯。PS以為星期日會好多人，但1半後到唔洗排，同我地走嘅時候係3pm幾直頭冇咩人。