素苗

Open Now

Now Closed

前排因為約朋友食飯，無意間係OpenRice搵到呢間農舍餐廳。圖片可見，環境清幽脫俗，望埋幾遍食評⋯⋯訂咗星期六晚飯。到咗預約果朝，餐廳有whatsapp提示同交代去餐廳既途俓相信係順便confirm一下有冇人甩底！晚上七點到達，由於訂枱唔滿，所以可以隨意挑選座位。餐廳燈光柔和，播著慢音樂⋯⋯坐係自然風既環境下，簡單撲實、清幽自在！揀定坐低，店員就走近介紹。先黎係一壼welcome drink~香茅斑蘭薏米水（少冰）。帶有淡淡香茅同斑蘭味既薏米水，胃口醒一醒跟住上既係蘿白苗粟米磨菇湯配自家製孜然亞麻籽包好好味，由其係孜然亞麻籽包，新鮮發酵無添加既麵包，有韌度又夠鬆，實在每一囗都太滿足清一輪碗碟，就黎一個農舍沙拉。內容係：有機生菜、青木瓜絲、龍吐珠、紅肉火龍果、桃膠、富有柿、生蜜棗、類似泰國龍眼加一片印度黃豆餅配石榴汁。就咁寫完⋯⋯都知一啲都唔是但食到咁，其實都已經飽咗七成（咀細無辦法）。主菜，牛油果茄子意大利麵配椰子（堅係椰子肉）芝士磨菇椰菜包及 藕片、秋葵伴碟！餐廳主要係利用食材本身既味道做配搭，無太多調味料，3個字－無、得、彈！最後，店員問下個胃仲有冇位放甜品⋯⋯其實⋯⋯緊係叫埋啦