小白屋 (Closed)

去完小白屋黎, 好sorry, 我只可以講一個字: 錯我地叫了pasta, 兩個pasta都好唔得, 尤其係落單果個manager feel推介嘅pesto sauce...唉...佢地究竟知唔知pesto係乜? 只係得好多薄荷葉碎(仲係薄荷葉唔係basil)又冇pine nut 又冇permasan cheese??!! 個pasta又水汪汪, d汁一d都唔掛到上個pasta道...個ceser salad又係冇ceser要有嘅permansan cheese同銀魚...磨菇湯忌廉比例太重, 飲忌廉糊一樣, 好似我喺屋企試整整衰左錦。點可以攞黎賣ga。由頭到尾都錯哂...連蒜蓉包同薯皮都很普通...d 卡位又硬, 冇cushion, 坐得好辛苦。$260幾食一餐唔係話貴, 但呢個質數太過份了。