金葵苑越南餐廳 (Closed)

如果唔識做越南野，就倒不如普通做返間茶歺廳。諗住生熟牛河係越南餐廳食係錯不了，點知嘩！點解可以咁難食既。飲第一囗湯，完全冇牛肉味，剩係得d 肥牛既雪藏味！佢知唔知做越南牛肉河，個湯底好緊要架？！既然個湯底既基本功都做唔到，其他部分你亦不難想像有幾差。無論牛肉定河粉，都係「腍」同「散」。食左兩啖，我已經支持唔到。另外叫左個海鮮檬粉，正常d, 都勉強合格。做越南歺廳，食物唔得，連普通生辣椒呀青檸檬呀都冇。我真係百思不得其解。雖然係屋邨商場姐，但「臨時演員都係演員」，你專業d可以嗎？