Towngas Avenue Cafe (Closed)

友人請食飯，地點由我選擇。其實最怕做呢D決擇，吃貴的又不好意思，吃得不好又好像侮辱人家咁，十分難搞。本想去outback据扒，誰知大排長龍，結果退而求其次去煤氣公司。好耐之前來過，不過已經印象模糊，所以今次還是有點期望。環境尚算舒適，服務算殷勤(但不專業)，起初感覺是可以的。睇睇menu再點菜，先來一個湯，一牛柳和一西班牙海鮮飯，大家share食。湯是番石榴南瓜湯，有半隻番石榴在內，不過南瓜味就不足。牛柳要七成熟，結果煮得硬柴柴，完全欠缺肉味，是失敗之作；西班牙海鮮飯，有一隻大的燒帶子和牛肝菌，帶子火喉不錯，牛肝菌味道很濃，還有蝦、魚和少許欖檻相伴，總體算是對辦。主菜以後，再要一份Apple Crumble加雪糕兩份食，但此甜品則令人大失所望。蘋果撻唔甜又唔香，口感乾乾的，雪糕只有一小舊，毫無滿足感。總括來講，只有海鮮飯是較正路，其他都未及水平。埋單要成440，坊間大把好選擇。