Video
Read full review
2023-04-02
622 views
特別鍾情小店覺得每一間小店都擁有各自既故事，人情味！今次食呢間，我間唔中都會口痕痕去買外賣黎食（冇堂食架）佢位置唔近地鐵站，係寶林站行去大約5-10分鐘路程，但偏偏佢位於一個美食林立既小商場～～慧安商場🍽️🥢<瀧茶 將軍澳>小店經營茶飲為主，但我就係從未幫襯過佢既茶飲因為⋯佢有賣我好鍾意食既粉皮🤭我鍾意佢既粉皮任你選擇可以多/走蔥、芫荽、芝麻、青瓜可以加配料，有豆腐、蟹柳、雞絲、牛𦟌、鴨腎、豬耳仲可以揀中式麻醬/日式芝麻醬/酸麻辣/台式/混醬仲仲可以揀粉皮/熱湯粉皮/冷麵仲仲仲可以加大添，真係痴鬼線😵💫人最怕就係冇得選擇本小姐冇選擇困難症，但自問嗌野食都幾麻煩🤡每一次都必叫： 中式麻醬粉皮+豆腐+蟹柳，走青瓜走蔥走芝麻，多芫茜，仲要加大添咁嗌order法 , 真係冇咩舖頭會理我老闆娘人nice, 但因為人手唔多，有時多order 果陣，分分鐘要等15分鐘，所以食好野要比多DD 耐性架我見最受歡迎係日式芝麻醬，但我偏愛中式果種花生醬既濃香味最多人緊係加雞絲，但我覺得雞絲粉皮出面易食到，而我偏鍾情豆腐既滑同香，加埋蟹柳做lunch/ 晚餐就一流老闆娘比醬一d 都唔孤寒，讚👍
覺得每一間小店都擁有各自既故事，人情味！
今次食呢間，我間唔中都會口痕痕去買外賣黎食（冇堂食架）
佢位置唔近地鐵站，係寶林站行去大約5-10分鐘路程，但偏偏佢位於一個美食林立既小商場～～慧安商場🍽️🥢
<瀧茶 將軍澳>
小店經營
茶飲為主，但我就係從未幫襯過佢既茶飲
因為⋯佢有賣我好鍾意食既粉皮🤭
我鍾意佢既粉皮任你選擇
可以多/走蔥、芫荽、芝麻、青瓜
可以加配料，有豆腐、蟹柳、雞絲、牛𦟌、鴨腎、豬耳
仲可以揀中式麻醬/日式芝麻醬/酸麻辣/台式/混醬
仲仲可以揀粉皮/熱湯粉皮/冷麵
仲仲仲可以加大添，真係痴鬼線😵💫
中式麻醬粉皮
53 views
0 likes
0 comments
人最怕就係冇得選擇
本小姐冇選擇困難症，但自問嗌野食都幾麻煩🤡
每一次都必叫：
中式麻醬粉皮+豆腐+蟹柳，走青瓜走蔥走芝麻，多芫茜，仲要加大添
咁嗌order法 , 真係冇咩舖頭會理我
老闆娘人nice, 但因為人手唔多，有時多order 果陣，分分鐘要等15分鐘，所以食好野要比多DD 耐性架
我見最受歡迎係日式芝麻醬，但我偏愛中式果種花生醬既濃香味
最多人緊係加雞絲，但我覺得雞絲粉皮出面易食到，而我偏鍾情豆腐既滑同香，加埋蟹柳做lunch/ 晚餐就一流
老闆娘比醬一d 都唔孤寒，讚👍
係等order 途中，眼見好多熟客仔幫襯，老闆娘做到冇停手，但都不忙同大家吹下水，呢種就係小店獨有既感覺🥰
☎️可以提前落定order , 咁就唔使等咁耐
但我就鍾意係度等，同老闆娘吹下水，人都開心d 🤡
Post
