Hal's Japanese Restaurant (Moved) New Location

與同事們商量去邊到搵食，我醒起kc冇幾耐之前食過，我就提議o黎。可能我細粒，覺得d坐位好大好闊。大家見menu有好多定食選擇，決定唔食是日set lunch。我點了剌身定食，除了有5款刺身(每款兩件)，仲有兩碟前菜、麵豉湯同飯，刺身都係一般，唔係話特別新鮮，同樣質數好多普通日本料理都食到，而且份量唔算太大，男士未必夠飽，仲要180 蚊，如果同等價錢我寧願食我另一同事個“海鮮丼”刺身又多d、飯又大碗d。另外天婦羅定食，有成六七件天婦羅，多之外仲好大件，140蚊都算抵食。餐後送個杯咖啡我反而覺得最好，聞落好香飲落好濃，好多咖啡連鎖店都冇佢咁好飲，只嫌佢細細杯唔夠喉。至於服務方面唔錯，因為初時我望見其他兩個同事都係食同款定食，點解我少了兩件刺身，問個待應姐姐我少左d喎，佢立即左我個碟，同埋我同事個碟，佢話俾師傅對下我少左邊件喎，佢仲好有禮貌講唔好意思tim。價錢o黎講唔算平，不過我寧願食佢，都唔食同區的四季。