喜點.鮮鍋粥底火鍋點心專門店 (Closed)

打邊爐比人一種感覺就是大魚大肉、油膩、肚滿腸肥等等，其實只要選得正確，打邊爐都可以很健康，就好似這間吉喜點就以海鮮粥底鍋為名，$258可以吃到多款新鮮海鮮及配料，雖然不是任食，但份量十足，絕對夠食。店員先送上調味醬料及粥底，還有任飲豆漿及竹庶水。隨後是海鮮拼盤，有龍蝦、蝦、蜆、多寶魚等共七款，海鮮都是新鮮即叫即劏，味道鮮甜，尤其係蝦肉爽彈，不過有部份蜆就不太新鮮。除此之外，每位會有份美國牛小排，肉質及味道當然比肥牛高質，肉味都較濃郁且腍而肥牛味道都不錯。自選配料八款，必食墨滑及蝦滑，高質蝦滑，咬到粒粒蝦肉，爽口彈牙。豚肉片、貢丸、響鈴等等就比較常見，味道雖不錯但無太大驚喜。整體海鮮高質而且豐富，份量亦十足，四個人食都有餘有剩。