麻辣五三五 (Closed)

喺網上見到關於"麻辣五三五"嘅介紹，即係約咗同我一樣鍾意食辣嘅同事一齊試！蒜泥白肉：每片豬肉片中間都夾住一塊青瓜加上用辣椒油同醋整成嘅酸辣醬汁，感覺好清爽！自家製蒜泥好似忌廉咁勁creamy，濃郁蒜香喺口腔大爆發😋麻婆豆腐：豆腐超嫩滑，麻同辣都兼備！因為無叫白飯所以覺得有少少過鹹，我哋一致認為如果送白飯一流！蒜蓉炒萵筍絲：因為唔想每一碟餸都係辣嘅所以問店員可唔可以改用蒜蓉炒，萵筍清脆嫩綠入口爽甜，可以解一解辣！烤魚(水煮)+稻庭烏冬：烤魚都唔算細條而且啖啖肉唔多骨，水煮汁同喺大陸食嘅好相似，好似真係上咗深圳食嘅味道！烏冬滑身又有嚼勁，索哂水煮汁👍🏻雖然全場得一個侍應但佢都好有禮貌同埋叫佢嘅時候佢都好快會過到嚟！