韓正屋韓國料理 (海壩街)

Open Now

Now Closed

今日同細佬特別肚餓，於是叫左個餐，有人參雞湯，一碟鐵板燒肉，同個飯。個餐一開始有前菜食，涼拌芽菜同菠菜，細細份，但幾爽脆開胃，不俗。人參雞湯是二人份量，意外地真係原隻烹煮，雪白的雞置於滾熱的湯中，陣陣蒸氣冒出，感覺非常之足料。試飲一啖，味道濃郁，很是鮮甜，有恰到好處的參味，可見是足料熬煮過，相當好飲，如果有埋豉油食湯渣，可能配下飯都夠飽。我地叫左既係鐵板燒牛肉，個碟不大，但牛肉堆得頗高，肉汁中有條條洋蒽，煮得甚爛。牛肉係嫩，味道不俗，同洋葱一齊下飯感覺不錯，有啖啖肉既滿足感。石頭飯我地揀左雞肉，裡面還有黑木耳絲，芽菜等配料，幾豐富，和醬料拌得徹底後，仍然好有溫度，食落味道唔錯，雞肉嫩滑，醬汁幾香，食得十分爽快。