玉桃軒酒家 (利舞臺廣場)

Open Now

Now Closed

最近食得西餐多，突然想食下中菜，黎到銅鑼灣網上好評既一間酒家玉桃軒，先講環境裝修，內外都舖有花朵，燈光充足，座位寬敞，兩人台都好大張。兩個點左XO 醬鮮菌花枝片，花枝片每塊都好大片，鮮菌份量都好足料，味道都唔錯。鎮江骨係我最愛，上菜時熱辣辣以熱鍋奉上，味道合乎我口味，夠入味之餘，肉質夠腍啖啖肉，下次黎食一定會再點鎮江骨。蒸雞荷葉飯，材料仲有紅棗，可以補下身，但個人喜好較腍既飯，相信呢個會適合喜歡硬飯既人既口味。服務不錯，侍應好貼心睇準用餐情況上菜同收拾餐具。