煲底海鮮火鍋料理 (Closed)

鏡粉打卡一流嘅火鍋黃店唔知有幾多人會為咗呢個噱頭嚟食呢😂每張枱都會貼滿mirror/collar嘅應援同埋眼見每張枱都係卡位雅座坐得都幾舒服闊落而且服務都幾好今次嗌咗個竹笙花膠冬瓜盅嚟到有半隻雞同啲松茸菇同仿翅係面自己好鍾意呢個完全唔油膩嘅湯底而且浸淋咗嘅冬瓜係超好食唔嗌好多配料但叫呢個湯底都幾抵食試咗個椒鹽粟米諗住送酒但味道一般炸得有啲乾同皮太厚亦可能本身呢幾條粟米唔多甜刺身嘅質素亦都麻麻唔算好新鮮但火鍋配料方面就值得一試餃類同丸類都係舖頭自家手製墨魚滑亦都幾好食🤤嗌咗牛爪邊同牛頸脊都非常滿意重牛味份量足亦唔太韌咬唔爛舖頭仲有唔同部位嘅選擇希望之後會有機會再試☺️