煲底海鮮火鍋料理 (Closed)

呢一間⭐️煲底海鮮火鍋料理⭐️，真係一間鏡粉專門店，佢由內到外都貼滿晒Mirror嘅海報，佢哋仲有專售Mirror嘅配件，係我見過唯一一間咁誇張嘅火鍋店，佢哋呢度嘅形式係散叫，逐樣嘢計😆😆佢哋嘅火鍋料其實都偏貴，但唔知食落會唔會抵返晒呢😌，首先我哋嗌咗邊爐嘅湯底係💎竹笙花膠冬瓜盅鍋$299，呢個鍋嘅配料非常豐富，有足足一隻雞，冬瓜，仲有好似魚翅既放係面頭，佢嘅湯底都非常濃郁，真係好足料👍🏻👍🏻另外我哋嗌咗幾種唔同嘅牛肉，有最頂級嘅🐮手切安格斯肥牛$329，雖然價錢有啲貴，但係食落真係值回票價，肥牛嘅肉質好嫩，條紋清晰，脂肪比例均勻，基本上放落鍋度大約6秒已經食得，牛味好出🤤🤤，除此之外，我哋都嗌咗💎牛骨髓$89，💎牛胸爽$129，都係非常新鮮同好爽👏🏻另外我哋嗌咗本地🐷澳洲黑豚肉$299，豚肉睇落新鮮食落都好爽，同牛肉一樣都係咁正，另外💎脆鯇骨腩片$79，幾乎都冇骨，都係烚一烚好快食得，佢哋基本所有嘅材料都係好新鮮🤩🤩其他配料方面有💎爆汁四寶丸$129 ，爆汁和牛丸$119，佢哋啲丸好似手打一樣，好彈牙，和牛丸真係好重牛肉味，呢個價錢值得😂，💎黑松露帶子湯包$119，💎自家製三寶餃$109