煲底海鮮火鍋料理 (Closed)

入到餐廳內,真係覺得係為咗鏡粉而設嘅餐廳,全部被佢哋嘅相片包圍住🤣🤣大家唔太好海鮮,所以叫咗大路食物！湯底叫咗杏汁白菜豬肺鍋,冇諗過杏汁味好濃,豬肺不是這一兩嚿,食極都仲有,果然係真材實料😋😋一行六人叫咗16碟食物,最出色係潮牛,叫大$369可選擇兩款牛嘅部位,賣相同質素都係上盛,百花釀魚肚同自家製蟹皇包都非常好味,仲有必試嘅係爆汁四寶丸,一次過滿足曬你所有嘅口味！另外亦叫咗少少熟食小食,包括冰火鮑魚,椒鹽粟米,炸午餐肉,冰火魷魚,最出色只係椒鹽粟米,其他就一般般啦！埋單$2300,服務一流,又免開瓶費,冷氣又足,雖然我唔係鏡粉,但都會再光顧,真心講食物質素同價錢係成正比！