Video
Read full review
2008-03-14
35 views
又一家有情意結的店, 由時代金飯館開始, 吃過了好多次, 還記得某年除夕來個二人團年. 再著, 這店的頭二個食評係由文迪(那時還叫樹熊!)同小弟包辦的, 又真係好多往事.是晚係四個人的局, 文迪兩姊妹加上姊妹J, 雖然得小弟一個男士, 但也吃了不少食物. 先要個二人份的相識在童年餐, 再加兩碟小菜, 另外補兩個飯同湯.媽媽靚湯: 9分, 是日例湯係煲合掌瓜, 繼續的無味精, 熱辣辣, 清清的帶點甜味, 也真的好有住家感覺.枝竹牛腩: 8分, 枝竹同牛腩都係炆得好淋, 個汁好入味, 撈飯一流, 但係吃著吃著, 又嫌牛腩口感一般, 或許係太淋了, 無乜咬口.好立克汁焗椰菜花豬扒: 7分, 要了個新嘗試, 但係出來的效果似乎係一般. 個好立克汁基本上係不太出到, 令到味道係偏淡, 豬扒的肉質麻麻地, 也好像焗得過了點火. 不過椰菜花都幾好, 挽回點分數.蒜蓉炒油麥菜: 8分, 只係二人份的菜, 都相當大碟, 夠四個人吃. 油麥菜夠鮮, 炒得香口, 不俗.紅燒肋排$68: 7分, 是晚想試回一些好久沒吃過的菜色, 不在相識在童年餐入面, 只有散叫. 其中一個係紅燒肋排, 時代那時係相當出色的一
是晚係四個人的局, 文迪兩姊妹加上姊妹J, 雖然得小弟一個男士, 但也吃了不少食物. 先要個二人份的相識在童年餐, 再加兩碟小菜, 另外補兩個飯同湯.
媽媽靚湯: 9分, 是日例湯係煲合掌瓜, 繼續的無味精, 熱辣辣, 清清的帶點甜味, 也真的好有住家感覺.
枝竹牛腩: 8分, 枝竹同牛腩都係炆得好淋, 個汁好入味, 撈飯一流, 但係吃著吃著, 又嫌牛腩口感一般, 或許係太淋了, 無乜咬口.
好立克汁焗椰菜花豬扒: 7分, 要了個新嘗試, 但係出來的效果似乎係一般. 個好立克汁基本上係不太出到, 令到味道係偏淡, 豬扒的肉質麻麻地, 也好像焗得過了點火. 不過椰菜花都幾好, 挽回點分數.
蒜蓉炒油麥菜: 8分, 只係二人份的菜, 都相當大碟, 夠四個人吃. 油麥菜夠鮮, 炒得香口, 不俗.
紅燒肋排$68: 7分, 是晚想試回一些好久沒吃過的菜色, 不在相識在童年餐入面, 只有散叫. 其中一個係紅燒肋排, 時代那時係相當出色的一道菜, 但係是晚吃過, 係相當之失望, 又或者係希望越大, 失望越大. 燒得不算好入味, 仲不太淋, 連汁也好像少了, 難撈汁.
招牌海鹽雞(半隻) $108: 8分, 大家對這道菜的評價都係麻麻, 也覺得不值. 小弟的意見就係還不錯的. 用上海鹽, 除了健康點之外, 也沒有那麼鹹. 不過入味一點會更好, 現在的海鹽痕跡不太明顯. 雞肉都幾嫩滑的, 但係份量實在比較細, 半隻雞只有那麼小份量, 看來隻雞係真的幾細.
甜品十二式: 9分, 一共要了十二款甜品, 始終這裡的強項一定係甜品, 沒有理由不試多幾款.
香檳梨: 始終四個人分, 有些甜品也乘二, 容易點分吃, 包括這個. 賣相繼續係精緻的, 香檳不算很重, 但完全浸入了個梨到, 好入味.
大檸樂: 據店方講, 係食得又玩得的甜品, 係可以當波彈的, 當然如果你係彈完之後仲敢食的. 可樂味都幾重, 反而沒有很大檸檬味, 忘了篤檸檬?
腐竹白果海底椰: 清甜, 料足, 比一般的腐竹白果再加多海底椰, 更加之潤, 不過小小的一碗, 不夠分的.
西米布甸: 始終不算是這裡的強項甜品, 但都不錯了, 不太甜, 面頭熱辣辣, 香口.
其他幾項仲有芝士蛋糕, 慕絲等等, 太多, 不太記得了.
跟之前一次吃的甜品有不少變動, 其實也幾好的市場學, 讓顧客有回頭的衝動. 是晚食物的水準好像有點下滑, 服務也沒有從前般誠懇. 希望下次再來能夠回復昔日的風采.
Post
