CEO Neway (Closed)

今次要介紹呢間Neway CEO 係位於銅鑼灣，因為收工想幾個朋友去唱k鬆一鬆，順便食埋k buffet。咁岩其中一位係member就有會員優惠。對於我黎講，比我揀食野其實係重要過唱。呢間k buffet 食物種類都幾多下，因為我平均2-3個月會黎唱1次，見到有d食物都會轉。好似有成煲即滾碗仔翅同牛雜，味道都可以，唔算頹。我次次都會食佢既生蠔，以k buffet 既水準黎講算幾好，而令我最值得一食再食既係心太軟同梳乎里。不過要留意呢兩款係限量，要早少少排定隊先食到，不過性價比都高。