香葉灣 (太和廣場)

Open Now

Now Closed

今晚放工乘火車回家行過商場出口見到都多人等外賣，再望望又有位入去坐下，座位闊落，選擇多，加埋有防疫隔板，絕對安全，餐牌選擇多，今晚點了一個蒜蓉什扒餐跟沙律，用鐵板上感覺先似食鐡板餐加多$6升級鐡板上！朋友就點了個晚餐沙嗲金菇粉絲肥牛煲，兩個餐都有湯跟，還有點了喜歡嘅香芧雞翼，餐湯是忌廉粟米湯，味道夠晒濃郁內裡還有爽口粟米粒！香芧雞翼大大隻，剛炸起就上枱，皮脆肉嫩，十分入味！主角什扒上枱，店員幫忙淋上蒜汁，鐡板即時發出個陣聲音同蒜香直撲向鼻腔，蒜汁下有塊香煎火腿，加埋塊嘅軟淋牛扒同埋塊肥美軟淋豬扒，加埋大大利薯條，十分夠分量，而跟餐個沙律亦十分大份！沙嗲金菇粉絲肥牛煲，夠晒滾熱辣，沙嗲肥牛味道濃郁，粉絲煙韌爽口，跟餐加埋個飯絕對可以清乾淨個肥牛煲！餐飲可以保差額升級飯品，我就係點了杯芒果沙冰，大大杯芒果味道濃郁，夠晒冰凍！朋友就係椰汁冰粉，椰香味道濃郁加埋爽口涼粉，又係另一個唔錯嘅選擇！位置都方便就腳，之後又多個選擇了！