翠華冰廳 (Closed)

今日約左交收係荃灣，交收完係附近搵野食，今日唔想食咁貴，所以搵左間靚靚仔既茶記。☀️風味香草羊扒板上燒套餐$145-本來都諗左好耐叫唔叫，因為覺得茶記黎講有點少貴，不過叫左之後完全無後悔，因為真係拍得著好多專食鐵板既餐廳，羊架有3大件，仲要完全無腥味，用黑椒同香草醃到個羊架好香好香，配埋意粉飽晒。😆☀️架勢堂豬扒板上燒$108-睇相都睇到豬扒大過塊臉😍豬扒就配薯菜，個炸薯條好脆好香口👍🏻應該係即叫即炸既。另外豬扒係好淋同無咩肥膏，夠架勢🤣🤣🤣呢間餐廳應該係新開，但餐牌都幾細心會寫明不含致敏原，蠶豆症可食，岩晒有敏感既人士，雖然地點對我黎講有點遠，不過真係好驚喜。