鉄人大盛 (Closed)

經過網上介紹，香港好少聽到有鐵板燒放題餐廳，特意去鉄人大盛一試。一入座，waiter小姐話暫時唔需要叫刺身，會先上一個刺身拼盤。不到五分鐘，刺身拼盤送上，係誠意之作！特別係甜蝦，絕對有一隻掌嘅長度。至於吞拿魚刺身，從顏色都睇得出唔係一般放題嘅貨色。叫得做鐵板燒放題，絕對要試鐵板燒。羊扒要特別推介，無羶味！其他鐵板燒食物都值得一試：䐁肉生羌燒薑味濃厚，鵝肝多士更加係甚少日式放題店可以食到嘅！可惜今日太full，坐唔到鐵板燒附近嘅位。下次再黎一定要預早book定坐鐵板燒bar位！另外甜品有häagen-dazs雪糕，可惜食到太飽已經食唔落，無影到相。