加藤屋 (H.A.N.D.S) (Closed)

諗住去食牛肉飯啫，駛唔駛咁多人呀... 似乎係因為就快取消一日火鍋...點都好啦，都無諗住食火鍋嘅。我地由牛肉飯開始講起。牛肉色水較淺，洋蔥較爽口。泡菜唔算辣，有一陣好濃烈嘅麻油味。我就覺得唔夠辣，但同行好友覺得好食喎。咁我因爲太耐無食牛肉飯，所以我都覺得唔錯。反而我食嘅咖哩鐵板牛肉飯幾驚喜！鐵板夠熱，有微微飯焦香。蔥同粟米都好夠好，好香口。牛肉生熟你可以自己拿握，我覺得生生地時都幾好食。唯一一點係我覺得咖哩汁太多，下次可以叫佢小啲。