鐵牛台灣牛肉麵 (金巴利道) (Closed)

今日去朋友紅磡屋企探望，朋友就帶左我去位置於尖沙咀近紅磡果邊餐廳林立一帶食野 — 鐵牛台灣牛肉麵。朋友話呢度嘅麵好食，而且下午茶餐好抵食，有一碗飯或者麵配三款小菜，同埋一杯自選飲料。【壹】小碗肉燥湯麵 ＄38 (一碗主食＋三款小菜)無諗過清湯嘅湯底都有陣陣胡椒嘅香氣，湯底清甜而不油膩，肉燥仲有一啲蔥花置於麵條上嘅中間位置，肉燥份量雖然唔多不過味道不錯，唔會係好鹹嘅味道。麵條入口有彈性，唔係粉頭嘅質感，麵條份量剛剛好，每一口麵條都有淡淡嘅胡椒香氣，唔錯！🤤【貳】滷味爽耳、木魚炸豆腐、涼拌小黃瓜爽耳黎講入口有膠質不過軟骨部分唔夠脆，有點硬身；炸豆腐係非常之有驚喜，豆腐上係薄薄一層炸粉，再沾上木魚所調製嘅醬油醬汁，滑嘟嘟豆腐配上醬汁好惹味；🥒小黃瓜用上米醋醃製，唔會太酸味道上就無咩特別。【參】冰台灣奶茶 ＄6 ＋ 珍珠 ＄4🧋奶茶味道入口香滑，唔係死甜嘅味道，茶底烘焙味比較濃厚，一杯大小以下午茶餐黎講係好大杯，真係好有誠意！珍珠方面煮得好QQ，唔係粉頭亦都唔係硬身，珍珠份量有五份一杯咁多，淨係杯珍珠奶茶已經好抵飲！心心眼！朋友叫嘅就係...【壹】小碗麻辣擔擔麵 ＄38 (一碗主食＋三款小菜