樂華大排檔

Open Now

Now Closed

老公話想去感受下大排擋氣氛，所以帶我地去樂華村入面嘅小亭大排擋食好嘢~玩左成日就先嚟叫飲品先~點菜完之後，店員姨姨就為我地三口子送上例湯，是免費嘅...哈哈~先嚟椒鹽鮮魷，佢炸得好好食，炸漿唔會好厚身，仲脆卜卜，而且炸完啲魷魚唔會皮肉分離，加上魷魚又夠新鮮，唔會好韌~咕嚕肉同樣都好有獲氣，個皮炸得香脆肉質又腍，甜酸味濃郁，唔會有啲酸性搶口感覺，所以好惹味~但個海鮮什菜煲就差少少，上枱時感覺唔太熱，個味道唔太出~整體上係唔錯嘅，兩款小炒都好夠鑊氣，所以下次嚟我地都係集中食炒類...哈哈哈！