新南苑雞煲小菜點心 (Closed)

最近晚上同屋企人去左黃大仙探親戚，就係附近食埋晚飯☺️發現原來都開左唔少餐廳，當中有間食雞煲小菜點心🤓都有唔小街坊幫襯。睇下餐牌☺️有唔少小菜，煲仔，仲有點心等等。我地點左以下：🌸特別的台山黃鱔煲仔飯黃鱔煲仔飯真係唔係間間都有得食，黃鱔又彈牙又冇骨，配埋秘製嘅汁，飯粒都好乾爽，又冇口感😋真係食到地道台山嘅美味😎🌸腐乳炒通菜鮮魷通菜炒得好有鑊氣，又保持到翠綠，鮮魷食落QQ又鮮味帶少少腐乳味。🌸蒜蓉粉絲蒸蟶子蟶子好新鮮又大隻，上面有滿滿嘅粉絲同蒜蓉😋味道好夾，粉絲吸收哂d鮮味，好正👍🏻最後我地仲點左個老火燉湯，燉湯係原盅嘅，入面有螺肉，雞等等。