Video
Read full review
2024-07-26
2809 views
🔥大排檔呢樣嘢都係香港文化之一，但係你叫我35度之下坐喺街邊嗰度食大排檔呢就真係......無能為力🥲早幾日朋友話喺彌敦道附近食咗一間好有鑊氣嘅餐廳，佢話食咗個炒粉麵好食到wawa聲，又話食嗰啲嘢好鑊氣到十足十大排檔一樣，不過唔同嘅就係有服務同埋好夠冷氣，講到咁誇張，於是趁住尋日得閒我就即刻去試下佢講嘢嗰間“哇哇聲”坐低侍應畀個餐牌我哋係午餐嘅menu，咁過嚟食小菜嘅我又點會淨係食午餐呢！當然就要問佢攞返個大menu啦😂原來都有好多嘢食㗎喎！而部分嘅小菜都係跟飯湯嘢飲都可能只係加幾蚊，特別嘅其中一件事就係原來雖然佢係餐廳格局，但係佢竟然有啤酒飲🥤真係可以稱得上係一個有冷氣有裝修嘅大排檔！🦐米芝蓮二弄蝦球米芝蓮菜式嘅餐廳呢我都食過好幾間，但係咁平嘅米芝蓮菜式就真係好少可以食到！呢個二龍蝦球一邊係千島醬另外一邊係沾咗粉炸嘅金沙鹹蛋黃，外皮嘅質感有少少似油炸鬼，咬落去一口鬆化！脆！香！啲鹹蛋黃流心咁喺裏面流出嚟😋價錢都只係一百蚊，六大隻大蝦😮🦑黃金鮮魷冇錯又係熱氣嘢！如果食大排檔唔食返啲熱氣嘢會唔會覺得對唔住自己😂香脆嘅外皮裏面果住一層流沙嘅鹹蛋黃，油溫係火喉都掌控得好好唔會有嗰種畀啲油立住
但係你叫我35度之下坐喺街邊嗰度食大排檔呢就真係......無能為力🥲
早幾日朋友話喺彌敦道附近食咗一間好有鑊氣嘅餐廳，佢話食咗個炒粉麵好食到wawa聲，又話食嗰啲嘢好鑊氣到十足十大排檔一樣，不過唔同嘅就係有服務同埋好夠冷氣，講到咁誇張，於是趁住尋日得閒我就即刻去試下佢講嘢嗰間“哇哇聲”
坐低侍應畀個餐牌我哋係午餐嘅menu，咁過嚟食小菜嘅我又點會淨係食午餐呢！
當然就要問佢攞返個大menu啦😂
原來都有好多嘢食㗎喎！而部分嘅小菜都係跟飯湯嘢飲都可能只係加幾蚊，特別嘅其中一件事就係原來雖然佢係餐廳格局，但係佢竟然有啤酒飲🥤真係可以稱得上係一個有冷氣有裝修嘅大排檔！
🦐米芝蓮二弄蝦球
米芝蓮菜式嘅餐廳呢我都食過好幾間，
但係咁平嘅米芝蓮菜式就真係好少可以食到！
呢個二龍蝦球一邊係千島醬另外一邊係沾咗粉炸嘅金沙鹹蛋黃，
外皮嘅質感有少少似油炸鬼，咬落去一口鬆化！脆！香！啲鹹蛋黃流心咁喺裏面流出嚟😋價錢都只係一百蚊，六大隻大蝦😮
🦑黃金鮮魷
冇錯又係熱氣嘢！如果食大排檔唔食返啲熱氣嘢會唔會覺得對唔住自己😂
香脆嘅外皮裏面果住一層流沙嘅鹹蛋黃，油溫係火喉都掌控得好好唔會有嗰種畀啲油立住個口嘅感覺，裏面嘅鮮魷沒有過多嘅醃製，可以食到海鮮嘅鮮味🌸
🍝午市套餐炒叉燒烏冬
食炒嘢最緊要係夠味！夠鑊氣！
佢呢度嘅炒烏冬非常之夠味，唔會淡到不停要加豉油加辣椒油加辣椒醬，
相信烏冬係輕微咁樣炆過，再用大火炒返收乾，先至可以做到入味！！好食！！
🥤紅豆冰凍奶茶
呢度嘅紅豆冰係完整一粒粒唔會爛曬但係好夠淋，奶茶就相對普通少少
睇咗餐牌呢度仲有炸子雞椒鹽鮮魷菜遠排骨米等等嘅啤酒菜式！
下次一定要過嚟啤啤佢！！
Post
