Ocio オシオ (Closed)

呢晚同男朋友去鑽石山睇Barbie，睇完戲決定搵下野食醫肚，試左呢間惹味又抵食嘅Cafe，晚市客人唔太多，坐得幾舒服😆❀是日餐湯❀粟米湯咬到有粟米粒粒，甜甜地咁，味道都OK。❀至尊安格斯牛肉漢堡❀安格斯牛肉漢堡幾厚身，咬落Juicy，面頭嘅溫泉蛋用黎做醬汁，食落有蛋香味，配上菠蘿感覺清新。❀芝士焗扇貝龍蝦汁雜海鮮意粉❀扇貝味道鮮甜濃郁，配上超多芝士焗好邪惡，意粉份量多，夾埋茄汁食幾開胃😋❀奧斯蜜瓜雪山熱香餅❀見menu張相好吸引就揀咗，熱香餅充滿空氣感，綿軟軟幾好食，食落帶有少少蜜瓜清香，我哋仲食埋個蜜瓜，超飽！❀紫薯奶昔及草莓菠蘿香橙梳打❀色彩繽紛咁好啱打卡，兩杯味道都唔太甜。