Video
Read full review
2022-11-07
1282 views
以前拍拖好鍾意去鑽石山荷里活廣場買東西，而家結咗婚就鍾意去荷里活廣場睇戲🎬 食晚飯，再行下日式小家品店。扶手電梯上3樓旁邊發現開咗間新餐廳，我連個名都唔係好識讀 鵞鱻館，所以就引起左我嘅好奇心。外面望入去裝潢都幾靚，餐牌見到招牌菜係我最鍾意食嘅燒鵝皇，一於試吓！餐廳裝飾充滿了 Tiffany Blue 風格，既摩登且時尚，有特色卡位適合一家大細；枱與枱之間距離空間足夠，乾淨衛生，坐得舒適。餐廳主打燒鵝皇，店長亦有推介限量新鮮海鮮、前菜小食、廣東有鑊氣小炒、特色炒飯；一於每樣都試吓！ 鵞鱻館燒鵝皇(例) $108個名叫得做獨門秘方一定有驚喜，招牌燒鵝特價推廣，一份例牌 $108，CP值好高！例牌嘅嘢乜嘢部位就睇彩數啦！我今次行運啦，有燒鵝髀！上堂熱辣辣香噴噴，燒鵝皮脆肉嫰，鵝皮香脆甘香，每一啖都有鵝油香，齒頰留香。鵝肉味道濃郁，肉質嫩滑，甘腴可口，彈牙又有肉汁，最緊要就係蘸一點酸梅醬汁，特別和味，同深井有得 fight! 七味鹽燒豆腐 $58炸得金黃色豆腐一口 size 容易食，一層脆皮外皮，薄脆鬆化，香口不油膩，口感外脆內軟，香辣調味十分惹味。山楂咕嚕肉 $128原來真係有山楂，天然山
外面望入去裝潢都幾靚，餐牌見到招牌菜係我最鍾意食嘅燒鵝皇，一於試吓！
餐廳裝飾充滿了 Tiffany Blue 風格，既摩登且時尚，有特色卡位適合一家大細；枱與枱之間距離空間足夠，乾淨衛生，坐得舒適。
餐廳主打燒鵝皇，店長亦有推介限量新鮮海鮮、前菜小食、廣東有鑊氣小炒、特色炒飯；一於每樣都試吓！
鵞鱻館燒鵝皇(例) $108
個名叫得做獨門秘方一定有驚喜，招牌燒鵝特價推廣，一份例牌 $108，CP值好高！例牌嘅嘢乜嘢部位就睇彩數啦！我今次行運啦，有燒鵝髀！
上堂熱辣辣香噴噴，燒鵝皮脆肉嫰，鵝皮香脆甘香，每一啖都有鵝油香，齒頰留香。
鵝肉味道濃郁，肉質嫩滑，甘腴可口，彈牙又有肉汁，最緊要就係蘸一點酸梅醬汁，特別和味，同深井有得 fight!
七味鹽燒豆腐 $58
炸得金黃色豆腐一口 size 容易食，一層脆皮外皮，薄脆鬆化，香口不油膩，口感外脆內軟，香辣調味十分惹味。
山楂咕嚕肉 $128
原來真係有山楂，天然山楂果香馥郁，酸中帶甜，有咬口。醬汁味道酸甜恰到好處，咕嚕肉肥瘦適中，外層焦香酥脆，口感嫩滑多滋味。
櫻花蝦炒飯 ＄108
最後來一客炒飯，鋪滿櫻花蝦，櫻花蝦鹹香美味，炒飯粒粒分明，入口飽滿不油，每一啖都滋味，口感有層次。
最後奉送冰粉甜品，甜蜜的作結。
總結餐廳裝修有格調，乾淨衛生，燒鵝質素高，特別有驚喜。整體招呼殷勤有禮，下次再來試埋其他海鮮同埋鑊氣小炒。
Post
