串噹噹

Open Now

Now Closed

早前上網睇片介紹過，見到喺哥哥屋企附近就去左買碗鑽石蜆上去俾佢食，由於前幾次去都冇留意開舖時間。今日提前經WhatsApp 查詢左餐牌上鑽石蜆/刀貝嘅意思。原來係會視乎當日有邊款貨靚。咁今晚就有鑽石蜆。老闆娘仲主動話俾我知一碟有成兩斤咁多，足夠我地一家三口嘗鮮。至於湯底呢，清甜有黑椒香味但唔辣，因為我唔食得辣。蜆肉飽滿又冇沙。就連家中長輩都話唔咸，又唔會有碎殼。服務方面，其實由溝通到店時都係老闆娘請自招待，當然係一流冇得彈啦。天時暑熱我俾完外錢錢想轉身行出舖外等，仲叫我坐喺店內等外賣，唔駛咁熱，好窩心！下次同朋友黎試下堂食先。